الحكاية بالمختصر المفيد

بليك ليموين-يا ترى الروبوتات هتسيطر على العالم؟

بيقولك ان فية ريبوت “بليك ليموين” العلماء بدأو يخافو منه واضح كده إن اللي كنا بنقول عليه خيال علمي.. بيتحقق !!
النهاردة الذكاء الاصطناعي دخل تقريبا في كل حاجة حوالينا زي مثلا لما تتكلم في حاجة مع صحابك
وتلاقيها ظهرت عندك في كل الأبليكيشن والإعلانات.

slider 2 1

ايه حكاية الذكاء الاصطناعي ؟

ممكن يودينا فين.. والفرق بينه وبين الروبوتات وليه الشركات العالمية بتحاول تتسابق واحيانا تتكتم على أبحاثها زي ما حصل مؤخرا مع جوجل عاوز تعرف الحكاية خليك معايا انا تونى منير ودى ديما الناس فاكرة الذكاء الاصطناعي والروبوتات حاجة واحدة لكن ده مش صحيح الروبوتات في الأساس آلات بتتبرمج عشان تعمل وظائف محددة بس.

زي اللي بتستخدمها في المصانع لكن بقي الذكاء الاصطناعي هو تطوير لبرامج الكمبيوتر ومعالجة الخوارزميات والبيانات بكم مهول عشان يعمل عملية إدراك وتعلم وبالتالي يخليها تعمل مهام معقدة أكتر زي مثلا الطيارة بدون طيار..

أو العربية اللي بتمشي بدون سواق وفيه نوع تاني من الروبوتات زي اللي بتيجي في الأفلام اللي بتكون بشكل الإنسان وملامحه وليه استشعارات حسية زي اللي شوفناه مع روبوت “صوفيا” في 2016 تعالو نشوف الحوار اللى حصل بالمناسبة الروبوت صوفيا أخد الجنسية السعودية.

نيجى بقي للربوت “أميكا” في 2021 اللي كان طفرة في تعابير ملامحه زى ما هنشوف فى الفيديو الجاى
ختو بالكم فعلا من ملامح وشه طفرة فى صناعة الربوتات خليك معايا لنهاية الفيديو علشان تعرف الكارثه اللى بتحصل الشركات العالمية.

دلوقتي مركزة جدا في تطوير الروبوتات والذكاء الاصطناعي زي إيلون ماسك اللي صرح إنه بيعمل ربوت هيقوم بمهام وشغل يومي زي مثلا يروح يشتري طلبات السوبرماركت!! يعني ممكن في يوم هتلاقي روبوت بيحاسب معاك على الكاشير ويبقى وضع عادي كمان.

لكن مع التطور الكبير ده في عالم الذكاء الاصطناعي فيه مخاوف كتير وشكوك زي ما حصل مؤخرا مع جوجل واللي أعلن مهندس فيها اسمه بليك ليموين للصحافة إن نظام روبوت المحادثة اللي شغال على اختباره وتطويره هو نظام واعي وعنده مشاعر وبيثبت كلامه بالمحادثات اللي عملها معاه وهتلقينى سيبها فى الوصف الريبوت بيقول فيها انه خايف من الوحدة وبحس بالغضب والإحباط و خايف أنهم يتخلو عنى.

انت متخيل ريبوت ممكن يقول الكلام دا للاسف دى الحقيقه لكن الغريب إن جوجل طلعت ونفت حقيقة الكلام ده واتهمت المهندس بنشر معلومات سرية وادله اجازة إجبارية وده اللي بيشكك أكتر في مصداقية جوجل وإلتزامها بالمواثيق اللى عاوز بس اوضحه ان الروبوتات دى انت ممكن تحط فيها كليمات بتدل على العواطف يعنى لما تقول انا خايف الريبوت هنا قالك كلمه بتدل على العاطفه لكن معندوش احساس بيها.

بالبلدى كدا يقدر يقول كلام بس ميحسش بيه ابو قلب قاسي زى الحرج وفى النهاية التكنولوجيا بتغير المستقبل تخيل كمان 30 أو 50 سنة هيبقى شكل الحياة عامل ازاي ؟

وايه اللي ممكن يتغير مش بس في الوظايف اللي هتنتهي لكن كمان في مجال التعليم والطب والهندسة
تقدر تشوف المصادر اسفل الفيديو ولو الفيديو عجبك متنساش تعمل لايك ولو انت لسة مشتركتش فى القناة اشترك وفعل زر الجرس عشان يوصلك كل جديد بس كدا سلام.

وللمزيد عن ازاي تحمي هاتفك من الاختراق من هنا:

شركة #العالمية_الحرة لتكنولوجيا المعلومات:

تصفح جميع الخدمات التي تقدمها مؤسستنا عن طريق

الموقع الرسمي : https://bit.ly/30h1ajq 

مدونة العالمية الحرة:https://bit.ly/3sXHI6N

لينكات السوشيال ميديا الخاصة بشركة العالمية الحرة :

فيسبوك : https://bit.ly/3lFB4Pj

إنستقرام : https://bit.ly/3p0GwhT

تويتر : https://bit.ly/3DDnjH9 

#الحكاية_بالمختصر_المفيد #حكاوى_الماركتنج #AlalmiyaAhura

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى