الاخباربيزنس

فيروس تقليل العمالة يصيب الشركات 2022

فيروس تقليل العمالة يصيب الشركات 2022

في الفترة الأخيرة كلنا لاحظنا جدل كبير جدا عن الشركات اللي سرحت نسبة كبيرة من موظفينها وكمان الشركات اللي اتسرب عنها أخبار انها ممكن تاخد خطوة تقليل العمالة في الفترة اللي جاية.

slider 2 1

الجدل اللي كلنا لاحظناه ده كان موجود في صورة بوستات على السوشيال ميديا خصوصا على لينكد ان وجروبات الفيس بوك زي البوستات دي مثلا (هنا هتظهر اسكرينات بوستات صغيرة) بس الحقيقة ان الموضوع كان فعلا محير والناس مكانتش عارفة تصدق ولا تكذب والناس اللي مكانتش مصدقة الموضوع ده أو بمعنى أدق مش عايزة تصدقه واللي انا نفسي كنت واحد منهم بصينا على الموضوع من مبدأ (متصدقش كل حاجة على السوشيال ميديا) وان الناس اللي نشرت البوستات دي بيحاولوا ياخدوا اللقطة مش أكتر.

فيروس تقليل العمالة يصيب الشركات 2022

طب متيجي بأه ببص على الموضوع ده من زاوية تانية زاوية أكثر عمقا تعالى أنا وانت نعمل zoom على بعض الأوضاع اللي ممكن تأثر علينا بشكل أو بآخر فلو عايز تشوف الدنيا رايحة بينا على فين خليك معايا واتفرج عالفيديو ده للآخر

ليه الشركات بتضطر لتقليل العمالة؟

مبدأيًا كده انا مش جاي أسودهالك بالعكس أنا جاي اتناقش معاك شوية بس خلينا متفقين أن الوضع الاقتصادي للعالم في حالة سيئة جدا وده طبعا له أسباب كتير جدا أولها كانت أزمة كورونا اللي العالم لسة بيعاني منها لحاد دلوقتي واللي زاد وغطا … الحرب اللي قامت بين روسيا وأوكرانيا اللي زودت أسعار سلع كتير جدا والمشكلة ان الزيادة دي اتركزت في سلع أساسية ومهمة جدا زي القمح مثلا اللي روسيا وأوكرانيا يعتبروا المورد الوحيد ليه بالنسبة لدول كتير جدا والعجز اللي سببته الحرب في نسبة القمح على مستوى العالم اتسبب في رفع أسعار كل المنتجات اللي بتعتمد على القمح في صناعتها

ودلوقتي بردو لوجينا نبص على الجانب التاني هتلاقي ان الحرب أثرت على أسعار النفط والغاز العالمية واللي بدوره هيزود تكاليف سلاسل التوريد والامداد وده طبعا كفيل بأنه يزود أسعار كل حاجة حرفيا.

فيروس تقليل العمالة يصيب الشركات 2022

واحد هيقولي استنى استنى يا عم انت عمال تجيبنا يمين وشمال وشوية القمح ورغيف العيش وشوية النفط والغاز وسلاسل الامداد هو أيه علاقة الكلام اللي انت قاعد تقولهولنا ده بموضوع الوظايف وتقليل العمالة ماحنا عارفين ان الدنيا سودة ومتبهدلة اسمحلي أقولك يا صديقي إنك متسرع مانا جايلك في الكلام أهه وبعدين مين اللي قالك ان ده ملوش علاقة بده مانا قولتلك قبل كده اننا بقينا عايشين في عالم صغير وان رفرفة جناح فراشة في الهند قد يتسبب في إعصار في أمريكا حلوة الحتة دي مش كده 😉

المهم يا سيدي نرجع لموضوعنا والمرادي متقلقش هجيبهالك من الآخر دلوقتي اللي بيحصل في العالم بيأثر على الوضع الاقتصادي للعالم كله مش بس وضع الدول اللي فيها الحرب والمشكلة ان الزيادة اللي انت حاسس بيها دي لا تقارن أبدا بالزيادة في تكاليف الشركات وعشان أكون واضح معاك مفيش أي شركة هتحب انها تشيل الليلة لواحدها يعني من الآخر مفيش شركة أو تاجر بيحب يخسر طب الشركات الكتير دي لما تلاقي تكاليفها بتزيد هتعمل أييييييه؟؟؟

أكيد حاجة من اتنين يا أما هتزود سعر خدماتها ومنتجاتها يا أما هتقلل العمالة.. والأكيد واللي كلنا التمسناه ان الشركات كلها زودت الأسعار وطبعا لأن الوضع صعب جدا ومش مريح لأي شركة ولا أي كيان اقتصادي فكانت تزويد أسعار السلع والخدمات مش كفاية وبدل ما شركات كتير تفلس … الشركات دي هتلجأ للحل التاني وهو تسريح نسبة من العمالة ولو انت فاكر ان لسة بدري على حاجة زي دي فخليني أطرح عليك النسب دي لشركات لجأت فعلا لتقليل نسبة كبيرة من العمالة:

فيروس تقليل العمالة يصيب الشركات 2022

خد عندك رقم (1) شركة (جوريلاس – Gorillas) ودي شركة شغالة في مجال البقالة الأونلاين وقيمتها السوقية وصلت لـ3 مليار دولار الشركة دي اتسرب قريب عن تسريحها لـ 300 موظف.

رقم (2) شركة (جيتر – Geti) التركية اللي شغالة في نفس المجال واللي قيمتها السوقية وصلت لحوالي 12 مليار دولار بتمويل وصل لـ 768 مليون دولار اتسرب بردو عنها تسريح حوالي 14% من العمالة بتاعتها ودي تعتبر نسبة ضخمة جدا.

ده طبعا غير الحوارات اللي عمالة تتقال عن شركة سويفل واللي اتكلمنا عنها قبل كده في فيديو منفصل… تقدر تشوفه من خلال اللينك اللي هسيبهولك في صندوق الوصف.

أكيد انت دلوقتي بتقولي انت عاوز مننا أيه يا عم انت مش فالأول قولت انت مش جاي تسودهالنا انت كده قفلتها فوشنا زي الضمنة يا راجل 🤣

استنى بس يا غالي انت متشائم ليه كده انا بس عاوز أوضحلك الصورة كاملة عشان لما تيجي تتصرف تتصرف صح

فيروس تقليل العمالة يصيب الشركات 2022

بص يا غالي بما إنك عرفت الدنيا ماشية ازاي وخدت فكرة عن اللي بيحصل في العالم فواجب عليا في الآخر أنى أنصحك واعرفك انت لازم تعمل أيه مبدأيا كده لازم تطور من نفسك وترفع من مستوى خبراتك العملية لان لو لا قدر الله شركتك نوت تعمل حركة نقص متبقاش انت من ضمن الناس اللي هتكون كبش الفدى للشركة وكمان في حالة انك اشتغلت على نفسك والحمد لله محصلش حاجة ده هيخلي ليك الأفضلية انك تترقى ومرتبك يزيد يعني في كل الحالات انت الكسبان وبكده نكون وصلنا لنهاية حلقتنا متنساش بأه تعمل لايك وشير وسبسكرايب وتفعل زر الجرس عشان كل جديد يوصلك باس كده سلاااام

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى