الحكاية بالمختصر المفيد

الحرب السيبرانية|ازاي تسيطر على أي دولة وتشل حركتها في يوم واحد

عمرك سألت نفسك أيه هي الحاجة اللي أي الدولة محتاجاها عشان تبني نفسها وتعمل حضارة؟! أيه رأيك بقي أعرفك على أخطر الهجمات الالكترونية اللي حصلت فالعالم الحرب السيبرانية !

slider 2 1

الحرب السيبرانية

في واحدة من أكبر هجمات القرصنة السيبرانية المعروفة في التاريخ | اللي حصلت في سنة 2007 من روسيا على استونيا. باختصار كده استونيا كانت إحدى الدول الموالية للاتحاد السوفيتي  وبعد كدا حصل تفكك  وانضمت استونيا لحلف الناتو سنة 2005  وده طبعا ضايق الحكومة الروسية بشكل كبير خصوصا ان استونيا تقع على الحدود الشمالية الغربية لروسيا.

في الوقت ده استونيا  كانت بتعتمد بشكل كامل على الانترنت في كل حاجة تقريبا  في المعاملات المالية والمعاملات الحكومية وفـ 2007 روسيا قدرت تخترق النظام الحكومي الألكتروني لأستونيا وتشل حركته بشكل كامل وده أدي الى ان حياه الناس في استونيا وقفت تماما  والاقتصاد الاستوني خسر خسائر كبيرة جدا  والوضع ده سبب شلل تام في الدولة لعدة أسابيع  والمسؤولين في أستونيا وصفوا الهجوم ده بانه لايقل خطورة عن الهجمات الإرهابية.

حادثة تانية تبينلك خطورة الهجمات السيبرانية | لما الجيش الصيني كشف عن طائرته المقاتلة G20 | أمريكا اكتشفت ان جهاز الاستشعار فيها | نسخة طبق الأصل من جهاز الاستشعار بتاعها | اللي موجود في الطائرات الأمريكية المقاتلة F35 | وده معناه إني بدل ما اشتغل واصرف مصاريف في البحث العلمي | اوفر كل ده وأجيب شوية هاكرز مدربين | يجيبولي كل التفاصيل والبيانات اللي انا عاوزها | وانا حاطت رجل على رجل.

الحرب السيبرانية مشتعلة في العالم بشكل كبير جدا  ومفيش حد بيسلم منها | عندك مثلا هجمات سيبرانية بيتم الإعلان عنها بصورة مستمرة بين كوريا الشمالية وكوريا الجنوبية وهجمات كمان متبادلة بين الهند وباكستان وأمريكا كمان حبايبها كتير .

والهجمات عليها مبتقفش | من ايران وروسيا وأمريكا الشمالية ومعظمها بيستهدف البنوك عندك كمان هجمات روسيا السيبرانية المستمرة | على دول حلف الناتو والدول المحيطة بروسيا نفسها زي استونيا ولتوانيا وأوكرانيا  اللي اتعرضت لهجمات سيبرانية روسية | في نفس الوقت اللي بدأت فيه العملية العسكرية الخاصة على أراضيها في الأيام الأخيرة.

وبالفعل الهجمات دي قدرت تشل مواقع رسمية اوكرانية كتير ومن أهمها موقع الرئاسة الأوكراني نفسه | وطبعا مش محتاج أقولك اننا هنا في مصر | بنتعرض بشكل يومي لهجمات سيبرانية  واكيد انت عارف منين  بس الحمد لله الرجالة عندنا صاحيين لهم جدا.

اللي عاوز أقولهولك ان الهجمات السيبرانية دي | هي فعلا أقذر تهديد ممكن تتعرضله أي دولة أو منظمة في الوقت الحالي| لأن مفيش حد بيقدر يسلم منها | وكمان لحاد دلوقتي مفيش أي تقنية تقدر تكشفها وتوقفها فور وقوعها | والمدهش جدا ان شركة (Fire eye) | أكبر وأشهر شركة من شركات الأمن والحماية السيبرانية في العالم | واللي بتلجأ ليها المنظمات والحكومات لصد هجمات القرصنة السيبرانية | أعلنت في سنة 2020 أنها اتعرضت بالفعل لهجمات سيبرانية روسية.

نحن نقاتل الجميع يا عزيزي، البعض بالرصاص، والبعض بالكلمات، والجميع بأفعالنا …. قد تراني بريئاً وقد تراني مجرماً، قد تراني جميلاً وقد تراني قبيحاً، قد تراني فقيراً وقد تراني غنياً، قد تراني حبيباً وقد تراني عدواً، ولكن لم تسأل نفسك يوماً كيف أراك أنا ؟!…… عندما تسأل نفسك هذا السؤال عندها فقط ستفهم!!وللمزيد من الفيديوهات تابعنا على الحكاية بالمختصر المفيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى